About Us

Shërbimi i I° Kirurgjisë së Përgjithshme në QSUT është shërbim themelues i Kirurgjisë Shqiptare. Ndër vite nga ky shërbim janë formuar nëndegë të rëndësishme si Reanimacioni kirurgjikal, Kardiokirurgjia, Kirurgjia Vaskulare, Ortopedia, Kirurgjia plastike dhe rikonstruktive etj.

Aktiviteti i Shërbimit

Shërbimi i 1° i Kirurgjisë së Përgjithshme në aktivitetin e përditshëm kryen operacione të planifikuara si dhe ato të Urgjencës Kirurgjikale të QSUT. Mjekët e Shërbimit shërbejnë në konsultat ambulatore pranë Qendrës së Konsultave çdo ditë duke kryer rreth 15 vizita/ditë.

Konsultat ambulatore vleresojnë dhe përkatisin për trajtim pacientët e referuar nga kirurgët e poliklinikave të Tiranës, ata të spitaleve rajonale e bashkiake si dhe pacientet e paraqitur direkt për vlerësimin tonë.

Mësimdhënia

Mjekët e Shërbimit janë të angazhuar me mësimdhënie për studentët e vitit të tretë të Fakultetit të Mjekësisë në lëndën "Semiotika Kirurgjikale" dhe njëkohësisht trajnojnë për katër vite kirurgët e ardhshëm në proçesin e specializimit te tyre në Programin e Studimit afat gjatë ne Kirurgji të Përgjithshme etj..

Janë pjesë e stafit të Shërbimit tre pedagogë me kohë të plotë pranë Universitetit të Mjekësisë Tiranë (UMT) dhe 6 pedagogë me kohe të pjesëshme.

Scientific Research

Stafi i Shërbimit tonë kontribuon në mënyrë të vazhdueshme në jetën shkencore dhe në administrimin e UMT. Aktualisht Rektori i Universitetit është Prof. Dr. Xheladin Draçini, Kirurg dhe Pedagog me kontribut të shquar i Shërbimit tone.

Stafi mjekësor angazhohet dhe merr pjesë në aktivitete shkencore si brenda dhe jashtë vendit dhe një pjesë e mire e mjekëve tanë, janë antarë dhe kontribues me punime shkencore në Shoqata Kirurgjikale dhe në Revista shkencore ndërkombëtare te specializuara te kirurgjisë dhe anestezi – reanimacionit.

Puna e këtij shërbimi çon drejt një bashkëpunimi të ngushtë veçanërisht me Shërbimin e Anestezi-Reanimacionit ku katër mjekë të këtij Shërbimi janë përbërës efektiv te Stafit të Klinikës tonë.

Statistika dhe Infrastruktura

Në këtë shërbim trajtohen mbi 2500 pacientë në vit me diagnoza nga më të thjeshtat deri tek ato me komplekse që njeh kirurgjia moderne.

Aktualisht Shërbimi ka një pavion modern me 30 shtretër, 3 salla operacioni dhe akses në Reanimacionin kirurgjikal dhe atë qendror të QSUT.

Specialitete dhe Shërbime

Ky shërbim është pararojë e kirurgjisë shqiptare dhe qendër referimi e nivelit me të mirë shqiptar në ndërhyrje të kompleksitetit të lartë si:

• Rezeksioni i ezofagut për kancer dhe sëmundje beninje në të gjitha nivelet
• Rezeksioni i stomakut, zorrës së hollë dhe asaj të trashë për kancer apo patologji të tjera në të gjitha nivelet
• Rezeksioni i pankreasit për kancer në të gjitha nivelet
• Rezeksione të mëlcisë dhe rrugëve biliare për sëmundje tumorale dhe jo tumorale në të gjitha tipologjitë
• Kirurgji endokrine për sëmundje tumorale dhe jo tumorale të gjëndrrave Tiroide, Paratiroide dhe Mbiveshkore
• Kirurgjia onkologjike e hapësirës retroperitoneale dhe e indeve të buta etj.

Bordi i Tumoreve

Duke pasur prioritet cilësinë më të lartë të shërbimit ndaj pacientëve, një herë në javë, në ambjentet e shërbimit tonë, organizohet Bordi i Tumoreve me pjesëmarrjen e të gjithë mjekëve të shërbimit si dhe specialistëve Onkologë, Radiologë dhe Anatomo-patologë.

Kirurgjia Laparoskopike

Kirurgjia laparoskopike e kryer në Klinikën tone që në vitet 90, ka pësuar një hov zhvillimi nga viti 2018 me kontributin e spikatur të Prof. Arvin Dibrës dhe disa mjekëve të tjerë.

Shërbimi ynë ofron tashmë ndërhyrje kirurgjikale të laparoskopisë dhe endoskopisë të avancuar që përfshijnë të gjithë traktin gastro-intestinal dhe me gjere. Trajtohen me laparoskopi sëmundje të ezofagut dhe stomakut si hernia hiatale, akalazia dhe tumoret stromale të stomakut, kanceri i zorrës së trashë me vendosje në të gjithë gjatësinë e tij nga cekumi deri në pjesën fundore të rektit.

Proçedura Endoskopike

Njëkohësisht mjekët e shërbimit janë të specializuar në proçedura endoskopike të avancuara si të traktit të sipërm dhe atij të poshtëm digjestiv duke ofruar proçeduar të tilla si: vendosje stenti ezofageal dhe rektal për ngushtime të ndryshme, vendosje PEG-u endoskopik (gastrostome) për ushqyerje, heqje e polipeve të stomakut dhe zorrës së trashë.

Services Offered

• Kirurgjia onkologjike e hapur dhe mini invazive e aparatit tretës, endokrin, dhe retroperitoneumit etj.
• Kirurgjia e hapur dhe mini invazive aparatit tretës në të gjitha nivelet,
• Kirurgjia e hapur dhe mini invazive gjendrave endokrine
• Kirurgjia e hapur dhe mini invazive paretit
• Kirugjia e gjirit
• Kirurgjia e urgjencës
• Kirurgji të tjera që referohen ne kirurgjinë e përgjithshme.

Shërbimi Ambulator

Konsultat ambulatore kryhen çdo ditë duke filluar në orën 10:00 pranë Qendrës së Konsultave Ambulatore në QSUNT.

Our Team

Mjekët Anestezistë