Shërbimi i Kirurgjisë Oro-Maksilo-Faciale merret me diagnostikimin dhe trajtimin kirurgjikal të sëmundjeve, dëmtimeve dhe çrregullimeve të gojës, nofullave, fytyrës dhe strukturave përkatëse të kokës dhe qafës.

Çfarë përfshin ky shërbim?

• Trajtimin e frakturave të nofullës dhe fytyrës, të shkaktuara nga trauma apo aksidente.
• Heqjen e dhëmbëve të komplikuar (si dhëmbët e pjekurisë të impaktuar).
• Kirurgji për korrigjimin e deformimeve skeletore dhe dentare, si keqvendosjet e nofullave (ortognatike).
• Trajtimin e tumoreve beninje dhe malinje, kisteve dhe lezioneve të tjera të gojës dhe nofullave
• Trajtimin e çrregullimeve të artikulacionit temporomandibular (ATM), që shkaktojnë dhimbje ose kufizim në lëvizjen e nofullës.

Ky shërbim bashkëpunon ngushtë me specialitete të tjera si ORL, neurokirurgjia, onkologjia dhe dermatologjia, për të ofruar trajtim të integruar dhe gjithëpërfshirës për pacientët.

Shërbimet e Ofruara

Ndërhyrjet më të shpeshta të kryera pranë Shërbimit të Kirurgjisë Oro-Maksilofaciale janë:

1. Ndërhyrje të avancuara dhe të komplikuara kirurgjikale në dhëmbë dhe nofulla
2. Menaxhimi i traumave të nofullave dhe i pjesëve të tjera të fytyrës
3. Trajtimi i infeksioneve të gojës dhe qafës
4. Korrigjimi i defekteve të lindura të buzëve dhe të qiellzës
5. Trajtimi i anomalive të nofullave, nëpërmjet kirurgjisë ortognatike
6. Trajtimi i problemeve të ATM ose kyçeve të nofullave
7. Trajtimi i sëmundjeve të gjendrave të pështymës
8. Menaxhimi i sëmundjeve tumorale të gojës dhe nofullave

Konsulta ambulatore

Kabinetet e konsultave ambulatore funksionojnë me mjekët e shërbimeve të klinikës dhe kryhen konsulta çdo ditë, duke filluar prej orës 08:30 pranë Kabinetit të Konsultave të Spitalit Francez.